الجين

كتب المترجم الجميل هشام فهمي عن هذا الكتاب :
الكتاب بيحكي قصة الجينات، أو قصة الوراثة من أول ما التفت إليها المفكرين لحد أحدث تطورات مشروع الجينوم البشري. ومعاها بيحكي إزاي أفكارنا عن الوراثة أثرت على الفلسفات والسياسات والحروب، سببت فظاعات وتطهيرات عرقية، وفي الوقت نفسه خففت بشكل هايل من آلام الجنس البشري.
المؤلف باحث رائع، وعالِم مهم، وفي الوقت نفسه أديب موهوب، بيحكي “القصة” بكل ما فيها من دراما، وبيقدم أفكار علمية معقدة بطريقة شديدة البساطة وقوية التأثير، يقدر يقراها أي قارئ ملم بالمبادئ الأساسية للعلوم.
في الكتاب كمان هتلاقي الصراعات بين معامل علمية شغالة في حتت مختلفة من الكرة الأرضية، بتتسابق بينها وبين بعضها على مين اللي يوصل للاكتشاف قبل التاني. بتلاقي مصالح اقتصادية وسياسية، ومؤامرات، وناس مجانين مكرسة حياتها كلها لدبانة أو دودة أو حتة بكتيريا.
وأخيرا بتلاقي نفسك بتتأمل في عدد من أهم أسئلة الجنس البشري: إحنا مين؟ جينا منين؟ ومكاننا فين وسط باقي اخواننا من الكائنات الحية؟ إحنا مسؤولين ولا مش مسؤولين؟ مسيرين ولا مخيرين؟ احنا فين؟ وممكن نوصل لفين؟
يمكن ده أكتر كتاب سعدت بترجمته لحد دلوقتي.. ومش بأقل من ترجمة دماغ من Ehab Abdel-Hamid.
أتمنى المهتمين يقروه.