علاقة كوميكس العُصبة بالسياسة ومتلازمة الفن الهابط/الفن الراقي
“٤”
“فخورين إننا كنا موضوع بحث Amany Elnahhas محاضرة اللغة والأدب الأنجليزية في كلية آداب جامعة حلوان، امتناناً مننا قمنا بترجمة البحث وقررنا تقسيمه على عدة مقال كتيرة تنزل بشكل دوري وتكون سريعة القراية. “
وبيربط البحث كل ما سبق بالعُصبة فبيقول إنه حتى مع حفاظ العُصبة على عنصر التسلية اللي تمتعت بيه كوميكس الأطفال، فالعُصبة كملت على “الكارتون التحريري” المصري (موجة الكاريكاتيرات) والكوميكس الغربية في نفس الوقت عشان تقدم في النهاية شكلها الخاص المميز اللي بيه بتناقش قضايا زي التهميش وحقوق الانسان، وبترفع الوعي وبترجع الأمل في قوة الناس إنهم يقدروا يقوموا بتغيير.
العُصبة زي “الكارتون التحريري” في فكرة إنه فن مرتبط بالسياسة، وواخد من الكوميكس الغربية في طريقة تناول كل القضايا اللي تم تناولها من العصر الدهبي للعصر الحديث.
العُصبة مش بس منتج حضاري، لكنها بتسد الفجوة اللي حصلت بسبب ظروف معينة لكل اللي قدموا أبطال خارقة في يوم من الأيام، لأنه زي ما الكوميكس الغربية كانت منتجات موجهة إنها تتكلم على عصر الضغط ما بعد الحرب العالمية التانية، فالكوميكس مصر بالتالي عكست التغيرات الاجتماعية والسياسية اللي كانت بتطرأ على مصر والعالم العربي بشكل مفاجيء.
زي ما اعتدنا إن الكوميكس الغربية على مدار التاريخ كانت أحسن أداة للتعامل مع السياسة والتغيرات الطارئة، فالعُصبة كانت بتتكلم على مشاكل الوضع الراهن.
بكلمات أخرى، في وسط الأحداث العاصفة اللي بدأت بدعوات على الفيسبوك بتنظيم مظاهرات سلمية بتنادي بالعيش والحرية والعدالة الاجتماعية عشان تواجه الاحتكاكات العنيفة، صعود وظهور المعارضات، الثورات المسلحة، والتغيرات الحكومية التجميلية، ففي وسط كل دة كانت الكوميكس وسيلة رخيصة سهلة القراية لجعل القراء يتفاعلوا مع المشاكل السريعة التبخر اللي كانت بتشتعل في الشرق الأوسط وشمال أفريقيا.
أثناء عرض تلك المشاكل، العُصبة وسط كيان كبير من صناعة الأدب الرقمي والمطبوع، عرضت متلازمة صراع الفن الهابط/الفن العالي بشكل بيوسع المفهوم عن اللي رفضه الأكاديمي تحت مسمى “الفن الشعبي الغير مستحق”
الفن الشعبي كان في الأساس تعريفه هو الفن الأقل احتراماً، أكثر تجارية، وأقل تعبيراً عن الانتاج الحضاري والفكري، تحت الافتراض إن نفس الانسان مش هيقدر يقدر أدب عميق وفي نفس الوقت يستمتع بقراءة كوميكس في المترو.
ومع ذلك، قدرت العُصبة إنها تنتاقش في قضايا حساسة مرتبطة بالاقتصاد والسياسة، متحدية بدة التقسيمة اللي حاصلة ما بين الفن العاللي والكوميكس كفن تم تصنيفه بالخطأ على إنه هابط لأنها بتتناقش في حاجات ليها علاقة بالحضارة قصاد الفكر الأكاديمي اللي حط الكوميكس على إنه فن هابط أكاديمياً محتاج لسه بحث ودراسة.
لينك البحث كامل بالأنجليزي :
https://cse.journals.ekb.eg/article_66655…
لينك البحث كامل بالعربي :
https://www.facebook.com/…/a.16435…/2472210742999073/…
لمعرفة المزيد عنا وقراءة أعدادنا كاملة، متاحة على موقعنا :
El3osba.com
هل العُصبة تأثر من الغرب أم تصدي للغرب؟
“٧”
“فخورين إننا كنا موضوع بحث Amany Elnahhas محاضرة اللغة والأدب الأنجليزية في كلية آداب جامعة حلوان، امتناناً مننا قمنا بترجمة البحث وقررنا تقسيمه على عدة مقال كتيرة تنزل بشكل دوري وتكون سريعة القراية.”
لمواجهة المجتمع الفاسد بالوعي وبالمعنى، فالعُصبة قدمت أبطال يواجهوا الماضي المسيطر عليه بالاستعمار وبالتمركز حول الفكر الأوروبي برسم إرث حضاري لمصر بشقيه القديم والحديث.
عشان بكدة يعتبر مؤلفي العُصبة من مؤلفي حقبة ما بعد الاستعمار اللي فيها المؤلفين بدل ما بيلجأوا لتنوير الآخر، بيعلمونا إزاي نفتكر اختلاف الآخر الصعب رؤيته.
من خلال تجميع مختلف من الشخصيات بتشكل عناصر مختلفة من تاريخ مصر، فبكدة العُصبة بتشكل إنها بتمثل الشخصيات على عكس التهميش اللي بيتم انتقاده في ظاهرة وعصر ما بعد الاستعمار اللي بيصنف الاختلاف على إن لازم يتم تجاهله من النظام المستعمر، بينما في الوقت ذاته الاختلاف ما هو إلا مؤشر للهوية اللي ممكن يكمن فيها بدايل لصور الاستعمار.
العُصبة ما هي إلا مجموعة بتقف قدام مظاهر الفساد الداخلية والخارجية، بتتحدى سياسات مبنية على الغرب من خلال مجموعة أبطال خارقين بتعبر عن التأثير الغربي على بناء الشخصية المصرية في الوقت ذاته اللي بتفخر فيه بالأصول المصرية القديمة.
التجميعة والاختلاف واضحين جداً من البداية، في اختيار المؤلفين للشخصيات اللي بتتحدى مجتمع غارق في الفساد الحضاري وفقدان الهوية.
على الرغم إن العُصبة مستوحاة من كوميكس الأبطال الخارقة الغربية، إلا إنها بتقدم كوميكس بتتكلم عن ٦ أبطال خارقين مصريين بيرسموا الحضارة والإرث المصري.
حورس هو واحد من أول الشخصيات اللي تم تقديمها في العُصبة هو بطل خارق بيجلب ماضي مصر الفرعوني اللي بيعيد المجد والكرامة للمصريين. حورس هو إله الشرق والشمس المشرقة، بيحارب عمه ست إله الشر لأجل مملكة مصر. أثناء صراعه، بيفقد عين. عين حورس (المعروفة أيضاً “بالعين المصرية” أو “العين اللي ترى الكل”) واحدة من أقوى العلامات اللي بترمز للحماية، للقوة، للعناية الإلهية، للصحة الجيدة، واستعادة العدالة.
وبالتالي، فإن حورس تم رسمه على إنه العين اللي بترى الكل. في البداية، تم رسمه على إنه روح تائهة مش قادرة تتعرف هويتها. أتوجد وهو طفل من سامي مراد، نائب عام، اللي إداله الاسم “أمين” . أمين هيستمر في معاناته إنه يدور على هويته. واستمر الوضع لحد ما في وقت فيه واحد من الناس القريبة منه هيتقتل ودة اللي بيوصله لهويته بعدها بمساعدة مراد وأستاذ رفعت صاحب دار الأيتام اللي اتربى فيها. فقدان مؤلم هو ما تسبب في تحويل أمين، الشاب اليتيم بلا حيلة، لحورس. أمين أرتدى بعدها قناع حورس، وبدأ بتعريف نفسه على إنه حامي وحاس مصر، اللي مش هيهدا واللي حربه حربه ضد الجريمة اللي انتشرت في مصر زي السرطان عمرها ما هتنتهي.
حورس هو رمز قوي لاستعادة العدالة في وسط مجتمع ساقط وفاسد بشدة واللي فيه بيكون دور حورس متضح “أنا أرى وأعاقب، مبريء المذنب، ومذنب البريء”
(مرجع ١١ : أصل حورس في العدد الأول :
https://www.facebook.com/pg/El3osba.Official/photos/…
)
في إطار عصر ما بعد الاستعمار، أكتر جزء واضح في أسطورة حورس هو الصراع اللي بدأ بست. في مصر الفرعونية، ست هو الإله الأجنبي، ملك الدول الأجنبية، اللي بيعبر عن كل الآلهة اللي بيتم عبادتها بعيداً زي آش إله ليبيا، أو بعل إله الغرب وغيرهم اللي في الآخر تم تعرفهم كأشكال لست نفسه”
ست الإله الأجنبي قاتل أوزوريس والد حورس، إله الفوضى، والظلمة، والحيرة، والعواصف، والصحرا، والشر بيعبر عن الاستعمار الغربي مع الشرق بصفة عامة. صراع حورس وست بيأكد على الصراع الغير منتهي ما بين الشرق والغرب، والمستعمر والمُستعمر. كما إن انتصار حورس على ست واستعادة كرسي العرش رمز للتحرر من عصر الاستعمار الحديث. وبالتالي، فإن الرجوع للماضي لحدث وقصة زي دي لهو وسيلة للتفاعل مع لحظة قوة أكتر منه ذكريات مدفونه.
وبنفس المبدأ، فأبطال العُصبة هم أيضاً امتداد لشخصية “الفتوة” في التاريخ المصري اللي ممكن ترجمته إنه “البلطجي الأخلاقي” . على عكس الصور المصدرة عن البلطجية في مصر إنهم دايماً نرجسيين مش بيفكروا غير في نفسهم مفتقدين للوعي، التعاطف للآخري، شخص دوماً عايز يقلل من شأن الآخر وقدرته على التحايل على الآخرين، سواء جسمانياً أو نفسياً للحصول على ما يريد، فمع ذلك فالخصائص الحضارية والتاريخية للفتوة بتقول عنه العكس، وبكتير من الكتابات القديمة وضحت إن الفتوة كان هو الشرطة الشعبية الموجهة لحماية القاهرة بمعرفة الشرطة الرسمية وكان ليهم دور في مقاومة الحملة الفرنسية ضد مصر، وكانوا هم من قادوا ثورة الشعب ضد الحملة بعد سقوط المماليك أمام الحملة فظهروا هم وقاوموا الفرنسيين بعصيانهم وكانوا على وشك النصر للدرجة اللي أغضبت نابليون واللي دعاهم بالحثالة وحذر المصريين من إنهم يتبعوا مثالهم.
وعلى نفس المنوال ممكن اعتبار العُصبة في عصرنا الحديث.
حورس، ميكروباصجي، كاف، مريم، متولدوش أبطال، بل على العكس هم ناس عادية بضعفات عادية. فقط الفساد في أبسط وأقل تفاصيل حياتهم هو ما قادهم لتحولات في شخصياتهم، بقوى غير مبررة، كما الضغط بيأثر على المواطنين حتى الوصول لتلك اللحظة اللي بتسمى “إعادة الميلاد” ثم “إعادة البناء” ثم “الثورة”ودة ما كان عليه الأبطال إنهم أتولدوا عاديين لكن لحظة تحولهم لأبطال كانت لحظة غضب واللي قرروا يحولوها لطاقة أيجابية أثناء تحولهم.
دة غير إن العُصبة مش بس امتداد لمجموعة من الرموز التاريخية الل قوتها مبتمنعهاش من العدالة والكرم والخير، ولكنها أيضاً منتج في وقت احتاج بشدة لقائد، بطل ثوري، أو بطل خارق، في وقت افتقد لخارق يقود الجموع، ويدي الإلهام، ويوحد الشعب للوصول لهدف موحد.
وعشان كدة فالموضوع حساس بشدة، لأن الأبطال الخارقين دول خرجوا عشان يرسموا طريق للمستقبل، في الوقت اللي فيه المستقبل بيعامل الأبطال على إنهم عملاء أجانب بأجندات خارجية أجنبية.
ومع ذلك فإن العُصبة مبتنكرش فكرة البطولة الموجهة سياسياً للخارج لكنها بتقول “إنه مش معنى إن البطولة تم توجيهها سياسياً واقتصادياً، إن البطولة في حد ذاتها غلط” (جملة اتقالت في العدد التالت وكانت موجودة في مرجع ٥)
الكوميكس بتقدم إعادة تعريف لأي قوة وبطولة موجهة لمحاربة الفساد. بدل من الرؤية الثنائيات لفصل الصراع ما بين فوق-تحت، غرب-شرق، مطوِر-مُطوَر واللي فيها الدول اللي تم استعمارها بتحاول تشوف تحلل وتقوي نفسها، فإن العُصبة بتقدم تعريف جديد للبطولة على إنه عدم الاستسلام للواقع الفردي، ورغم إن المفهوم مستوحى بسبب الخلفية الاستعمارية إلا إن المفهوم الجديد اللي تم عرضه يصلح كمفهوم للبطولة عامةً وطبعاً للبطل العربي المصري بشكل أخص :
“البطل اللي بيحاول ميستسلمش للظروف، بيحاول يرسم طريقه رغم كل المعوقات، اللي بيقاوم كل قبيح ضعيف عبد لنزواته، اللي بيطبق العدالة اللي القانون عجز إنه يطبقها، اللي بيكتب التاريخ بكلماته، اللي فقره حافز مش ضعف، اللي بيعمل المستحيل عشان يدي حياة، اللي بيسعى للحقيقة، بإنه يجمع كل اللي بيحاول يوصل لجزء من الحقيقة، عشان يستردوا الكون … ويصلحوه”
(تم ذكر الجملة السابقة في العدد الأول واللي عرضناها في مرجع ٤)
الألفا بيدي الرؤية لكل ما بيشكله كلمة البطل من معنى من رؤية عالمية لضرورة مواجهة الفساد بمعناه العالمي واللي بيعترف بقوة المحلي. في إطار فكرة ما بعد الاستعمار، فالرؤية دي بتوضح ضرورة الوصول للحق ومحاربة الفساد كهدف عالمي عشان اللي لأجلهم هو عايز يثور على العالم للتعاون مع عالمنا للوصول لعالم واحد.
(مرجع ١٢ : آخر صفحة في قصة الألفا :
https://www.facebook.com/…/a.20076…/2007742416112577/…
)
تجسيده في كائن فضائي من أعلى مهمته تجميع أبطال بيوضح عالمية اهتماماتنا كبشر، متضمنة الفساد والعنصرية ضد الجنس لكن غير منحصرة فيها.
ومع ذلك، لازالت التعددية في مجموعة أبطال الخارقين مصدر إلهامها من أصولنا التاريخية والحضارية.
من خلال التقسيمة المختلفة للأبطال الخارقين اللي بيحاربوا كل من الفساد المؤسسي والمعنوي، فالبحث بيمتد بنقد المشروع الاستعماري لاستخدامه الراسمالية.
عُصبة المعديين، اسم آخر لمجموعة العُصبة،مش بس بتتحدى المشاكل المحلية المرتبطة بالظلم الاجتماعي أو الفساد، لكنها من جهة أخرى بتربط العلاقة والصلة ما بين الفساد من جهة والاحتكار والراسمالية العالمية من جهة أخرى.
مريم مش بس طبيبة بقدرات شفائية خارقة، لكنها برضو بنت بمهمة ورسالة.
كونها طبيبه فدة إدى مريم القدرة إنها تشوف الفساد في منظومة الصحة. وبقى عندها تصميم لفضح التدهور في المنظومة وعدم حصول المرضى على رعاية محترمة، بقدر المرض واحتكار الدوا كنتاج للتعاون ما بين الراسمال العالمي والفساد الصحي الداخلي لشركات الدوا، واللي نتج عنه غلو أسعار الدوا بشكل ملحوظ وزاد معاه معدلات الموت.
(مرجع ١٣ : العُصبة تقدم مريم متاحة للبيع ورابط الغلاف :
https://www.facebook.com/…/a.16435…/2166613603558790/…
)
وبكدة بقت العُصبة مثال للفن والحضارة الثائرة على مظاهر الفساد (المعنوي، الإجتماعي، الوعي، المؤسسي) في عصر الثورة.
لينك البحث كامل بالأنجليزي :
https://cse.journals.ekb.eg/article_66655…
لينك البحث كامل بالعربي :
https://www.facebook.com/…/a.16435…/2472210742999073/…
لمعرفة المزيد عنا وقراءة أعدادنا كاملة، متاحة على موقعنا :
El3osba.com
المراجعات
لا توجد مراجعات بعد.